Isla ng Camiguin

John Rey M. Oclarit

BSA – 1A

Hulyo 5, 2013

Kamangha-manghang Isla ng Camiguin

Malikha ang Diyos kung kaya’t bumuo siya ng mga kaakit-akit na lugar. Isang maituturing na paraiso at masisidhing tanawin ay narito na, Luzon, Visayas at Mindanao! Tuklasin ang tunay na atin, Perlas ng Silanganan kung tawagin.

            Tampok ang Camiguin Island sa listahan ng Turismo dahil sa malapalasyo nitong lugar. Noong dalawang nakaraang taon, 2011, ika-12 ito sa puwesto ng Best Tourista Spots in the Philippines. Naitanghal at napatunayang mayaman nga ang islang ito sa iba’t – ibang klaseng aspeto.

            Ang Camiguin Island ay isang maliit na pulong lalawigan sa Pilipinas sa rehiyon ng Hilagang Mindanao. Mambajao ang capital nito at tinagurian itong pangalawang pinakamaliit na lalawigan pareho sa populasyon at sakop. Nasa Dagat Bohol ang pulo ng Camiguin na mga 10 kilometro sa hilaga ng Misamis Oriental. Karatig lugar din nito ang Cebu.

            Tampok din sa Islang ito ang pinagmamalaki nilang Lanzones Festival. Masaya nilang ipinagdiriwang ang panahong ito sapagkat naging bahagi na ng kultura ito. Hindi niyo ba alam ang iba’t – ibang ‘Tourist Spots’ nito? – Halika’t halungkatin natin ang kabigha-bighaning turismo ng Camiguin.

            Sa lugar na ito nagsimula ang kasaysayan ng Sunken Cemetery kung saan nakahimlay ito sa pagitan ng Dagat. Makikita ito ng husto sa tuktok ng ‘Walkway’, isa ring tourist spot na mataas kung lakbayin at dito makikita ang “Station and Resurrection of Jesus Christ”. Dito rin matutuklasan ang daan patungong “Bulkang Hibok-Hibok”.

            Sa kabilang dako naman, mas tanyag at kaaya-aya kung titingnan ang buong Isla sa “White Island”. Isa ito sa mga tourist spot ng Camiguin. Dito makikita ang kabuuang pulo ng Camiguin. Mapapamangha ka talaga sa lupit ng tanawin. May puting buhangin at mala asul na kulay ang tubig-dagat. Masasabi namang “Jidcup” ang Best Dive Site.

            “Katibawasan Falls”, ito ay isang anyo ng tubig na napapalibutan ng orchids, wild ferns at matatayog na puno. May 70 metro ito mula sa itaas patungong rock pool paibaba. Malamig ang tubig dito.” Bura Soda water swmming pool”, ito lamang ang nag-iisang swimming pool sa Pilipinas na soda water ang gamit sa pagligo at maaari ring inumin. “Ardent Hot Spring”, ito naman ang puso ng Isla ng Camiguin. may 40 degree Celsius ang temperatura ng tubig nito at maraming taong dumadalo ditto lalo na taga ibang bansa. Kung may mainit, meron naming “Sto. Nino Cold Spring”, matatagpuan ito sa Catarman, Camiguin na may 4 kilometro ang layo mula sa sentro. Malamig ang tubig at tinitirhan ito ng mga maliliit na isda sa ilalim. Mala yelong temperatura ang tubig nito.

            At ang panghuli sa lahat ay ang Highland Resort, Camiguin. Nagtataglay ito ng mabuting akomodasyon at pagserbisyo sa mga turistang dumadalo. Mayroong Lounge Poolside at Sightseeing sa pamamalagi sa Resort.

            Hindi maikakailang karapat – dapat na bigyang pansin ng Pilipinas ang turismong hatid ng Camiguin Island at kaakit-akit nitong taglay. Mabuhay Camiguin!